Astara şəhərində Dövlət Məşğulluq Agentliyi tərəfindən əmək yarmarkası təşkil edilib. Bu haqda məlumatı Cenublu.az bu gün, 30 sentyabr tarixində verir.
Lənkəran-Astara Regional Məşğulluq filialı tərəfindən keçirilən yarmarkada 14 müəssisə iştirak edib və 244 vakansiya təqdim olunub. Aktiv məşğulluq tədbirində dövlət və özəl sektorlardan olan işəgötürənlər, işsiz və işaxtaran şəxslər və agentliyin nümayəndələri iştirak ediblər.
Yarmarkada vakansiyalara müraciət edən şəxslərin CV-ləri qəbul edilərək nəzərdən keçirilib, uyğun namizədlər üçün göndərişlər formalaşdırılıb.
Tədbirdə, həmçinin işsiz və işaxtaran şəxslərə Agentliyin aktiv məşğulluq istiqamətləri və müraciət qaydaları barədə məlumat verilib, müraciət etmək istəyən şəxslərlə ilkin sorğular həyata keçirilib.
