Dövlət Məşğulluq Agentliyinin Lənkəran-Astara Regional Məşğulluq filialının dəstəyi ilə Astara şəhərində əmək yarmarkası baş tutacaq.
Cenublu.az agentliyə istinadən xəbər verir ki, tədbir oktyabrın 1-də, saat 11:00 Astara Olimpiya İdman Kompleksində (İlya Kaverin küçəsi) təşkil olunacaq.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Baş tutacaq yarmarkada 20 müəssisə 80 vakansiya ilə iştirak edəcək.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
