Azərbaycan Dövlət Su Ehtiyatları Agentliyinin Astara rayonu ərazisində yerləşən yerli idarəsi su-meliorasiya tədbirlərini səmərəli təşkil edib. Bu haqda məlumatı Cenublu.az bu gün, 4 dekabr tarixində Unikal.az-a istinadən verir.
Belə ki, ilin əvvəlindən başlayaraq Astara rayonu ərazisində ümumilikdə 111,5 km kanal və çay məcralarında lildən təmizləmə işləri aparılıb. O cümlədən kollektorda 8600 metr, sel ötürücü və su ötürücü kanallardan isə 91.800 metr kanallar lil və palçıqdan təmizlənib. Bunun da 61.200 metrində işlər idarənin öz gücü hesabına həyata keçirilib. Bu il Astara çayında 1200 metr məsafədə sahilbərkitmə işləri görülüb və işlər hal-hazırda da davam edir.
Qeyd edək ki, Azərbaycan Dövlət Su Ehtiyatları Agentliyinin Astara rayonu ərazisində yerləşən yerli idarəsi balansında 4519 ha suvarılan sahə, 295 km açıq kanal və 446 km qapalı şəbəkə mövcuddur.
