Azərbaycan Qida Təhlükəsizliyi İnstitutunun Mərkəzi Baytarlıq Laboratoriyasının Lənkəran regional bölməsi sınaq laboratoriyalarına baytarlıq sahəsində vakansiyalar elan edib. Bu haqda məlumatı Cenublu.az bu gün, 26 sentyabr tarixində verir.
Belə ki, AQTİ seroloq, mikrobioloq və virusoloq vəzifələri üzrə ixtisaslaşmış mütəxəssisləri işə dəvət edir.
Namizədlər laboratoriyada biotəhlükəsizlik və biomühafizə üzrə, eləcə də heyvan xəstəlikləri və onların laborator müayinələri haqqında biliklərə sahib olmalı, baytarlıq üzrə qanunvericiliyin və bu sahədə normativ hüquqi sənədlərin tələblərini bilməlidirlər. Namizədlərdən müvafiq sahə üzrə iş təcrübəsi, rus və ingilis dili bilikləri tələb olunur.
İşə qəbul müsahibə əsasında aparılacaq. Tələblərə cavab verən namizədlər CV-lərini mövzu yerinə müraciət etdikləri laboratoriyanın adını qeyd edərək [email protected] elektron poçt ünvanına göndərməlidirlər.
Qeyd edək ki, CV-lər təhlil edildikdən sonra namizədlərlə əlaqə saxlanılacaq.
