Bu gün Vətən müharibəsi şəhidimiz Əfsun Hüseynovun doğum günüdür.
Əfsun Mətləb oğlu Hüseynov 1999-cu il iyunun 23-də Sabirabad rayonu Yaxabeşdəli kəndində anadan olub.
Əfsun Hüseynov Vətən müharibəsi zamanı oktyabr ayının 1-də könüllü olaraq cəbhəyə yollanıb. Füzulinin, Cəbrayılın, Qubadlının Xanlıq, Balasoltanlı kəndləri və Zəngilanın azadlığı uğrunda gedən döyüşlərdə savaşıb. 2020-ci il oktyabrın 21-də Qubadlı rayonunun Balasoltanlı kəndində gecə vaxtı düşmən pusqusuna düşüb və şəhidlik zirvəsinə ucalıb.
O, "Vətən uğrunda", "Cəsur döyüşçü", "Cəbrayılın azad olunmasına görə" və "Qubadlının azad olunmasına görə" medalları ilə təltif edilib.
