Sabirabadda 16 yaşlı arvadını qətlə yetirib Kür çayına atan şəxslə bağlı hökm ağırlaşdırılıb.
Hadisə ötən ilin mayında baş verib. 2004-cü il təvəllüdlü Seyidrəsul Talıbzadə mübahisə zamanı 2009-cu il təvəllüdlü həyat yoldaşı Nuranə Ələkbərovanı qəsdən öldürüb. Məlumata görə, onların toy mərasimi 2024-cü ilin oktyabrında Şirvanda baş tutub və həmin vaxt Nuranənin 15 yaşı olub.
Seyidrəsul Talıbzadə ilə bağlı Şirvan Apellyasiya Məhkəməsi yeni qərar çıxarıb. Lənkəran Ağır Cinayətlər Məhkəməsinin əvvəl çıxardığı 10 il 6 ay həbs cəzası dəyişdirilərək 12 il müddətinə azadlıqdan məhrumetmə ilə əvəz olunub.
Məhkəmənin qənaətinə görə, təqsirləndirilən şəxs qətli xüsusi planla törədib, 20 dəqiqə ərzində qurbanı boğaraq amansızlıq nümayiş etdirib və daha sonra cinayəti gizlətmək üçün meyiti Kür çayına atıb. Bu hallar cəza təyini zamanı ağırlaşdırıcı kimi qiymətləndirilib.
