Biləsuvar rayonunda ağır yol-nəqliyat qəzası baş verib.
Cenublu.az-ın verdiyi xəbərə görə, hadisə Biləsuvar-Bəhrəmtəpə avtomobil yolunun Nəsimikənd kəndindən keçən hissəsində qeydə alınıb.
Avtomobillərinin toqquşaraq, idarəetmədən çıxaraq aşdığı deyilir.
Qəzada xəsarət alan Biləsuvar rayonunun İsmətli kənd sakinləri - Əfqan və Nadir Qəfər oğlu Qarayev qardaşları Biləsuvar Rayon Mərkəzi Xəstəxanasına çatdırılıb.
Faktla bağlı araşdırma aparılır.
Qeyd edək ki, qəzada digər inistendt də yaşanıb. Belə ki, yoldan keçən digər nəqliyyat vasitəsinin sürücüsü dərəyə düşən yük maşının sürücüsünə kömək üçün hadisə yerinə enib. Həmin vaxt hadisə yerinə gələn yaralı qardaşların üçüncü qardaşı, həmin sürücünü qəza törədən yük maşının sahibi ilə dəyişik salaraq ona bıçaqla hücum edib.
Nəticədə köməyə gələn sürücü qol nahiyəsindən bıçaq yarası alıb. Qolundan bıçaq yarası alan sürücü də xəstəxanaya yerləşdirilib.
