Masallı rayonunun Qızılağac kəndində şəhid adları daşıyan küçələrdə yolların bərpa işləri həyata keçirilib. Bu haqda məlumatı Cenublu.az bu gün, 29 iyul tarixində verir.
Birinci Qarabağ müharibəsi şəhidləri Cabbarov Əhliman Muqdad oğlu və Abbasov Şahin Vəli oğlunun adlarına olan küçələrə ümumilikdə 470 metr məsafədə asfalt örtüyü döşənib.
Həmçinin RİH-nin təşəbbüsü, Qızılağac bələdiyyəsinin daxili imkanları və kənd xeyriyyəçilərinin dəstəyi ilə şəhid Əhliman Cabbarov küçəsinin davamına əlavə olaraq, 200 metr məsafədə asfalt örtüyü döşənib, yol yataqlarında abadlıq işləri aparılıb.
İşlər Masallı RİH-nin təşəbbüsü və təşkilatçılığı ilə Azərbaycan Avtomobil Yolları Dövlət Agentliyinin 47 saylı Yol İstismarı İdarəsi tərəfindən həyata keçirilib.
