Lerikdə yol nəqliyyat hadisəsi baş verib.
Cenublu.az xəbər verir ki, hadisə Lənkəran-Lerik magistralında, Lerik rayonunun Günəşli kəndi ərazisində baş verib.
Hərəkətdə olan avtomobilin aşması nəticəsində iki nəfər Lənkəran rayon sakinləri, 1987-ci il təvəllüdlü Vüsal Abıyev və 1981-ci il təvəllüdlü Ramin Əliyev müxtəlif dərəcəli bədən xəsarətləri alıblar. Onlar Lənkəran Rayon Mərkəzi Xəstəxanasına hospitalizasiya olunublar.
Yaralılara zəruri ilkin tibbi yardım göstərilib. Vəziyyətləri qənaətbəxş olduğundan ambulator müalicə üçün evə buraxılıblar.
Faktla bağlı araşdırma aparılır.
