Lənkəranda sakinlər bir sıra küçələrdə asfalt örtüyünün yararsız halda olmasından narahatdırlar. Bununla bağlı Cenublu.az-a müraciət ünvanlanıb.
Bildirilib ki, sözügedən hal şəhərin Rövşən Bayramov, Hacı Zeynalabdin Tağıyev, Azad Mirzəyev, İsrafil Babayev və Müslüm Maqomayev küçələrində müşahidə olunur. Həmçinin bu vəziyyətə şəhərin mikrorayon ərazisində 7-ci, 9-cu, 12-ci, 15-ci və s. binaların qarşısında rast gəlmək mümkündür.
Sakinlər deyirlər ki, ərazidə asfalt örtüyünün nasazlığı və çoxsaylı çuxurlar avtomobillərin də sıradan çıxmasına səbəb olur: “Yağıntılı günlərdə isə bu küçələr gölməçələrlə dolur və piyadalar faktiki olaraq bu ərazidən hərəkət edə bilmirlər”.
Vətəndaşlar tezliklə bu məsələnin həll olunacağına ümid edirlər.
[URIS id=69081]
