Bu il Astarada naringi bağlarında qeydə alınan yüksək məhsuldarlıq fermerlər üçün gözlənilən gəlir əvəzinə ciddi itkiyə səbəb olub.
Cenublu.az xəbər verir ki, son yığım mövsümündə xüsusilə ucqar dağ kəndi olan Niləşədə meyvələrin bir hissəsi vaxtında yığılmayaraq ağacların üstündə çürüyüb və tamamilə yararsız hala düşüb.
Fermerlərin sözlərinə görə, əvvəlcə meyvənin üzərində kiçik bir xal görünür, daha sonra naringinin daxilində hansısa proses baş verir və meyvə çürüməyə başlayır. Bu səbəbdən ağaca toxunan kimi meyvələr yerə tökülür. Halbuki naringi adətən xüsusi qayçı ilə kəsilərək yığılır. Onlar bildiriblər ki, meyvə üzərində əmələ gələn xalın hansı xəstəlik və ya hava şəraiti ilə bağlı olduğu məlum deyil.
