Azərbaycan Premyer Liqasının 5-ci turunda “Qarabağ”ın futbolçusu, lənkəranlı Toral Bayramov karyerasında ilk dəfə het-trik edib.
Cenublu.az xəbər verir ki, “Araz-Naxçıvan”la səfər oyununda üç qola imza atan yarımmüdafiəçi bununla 1992-ci ildən keçirilən çempionatın tarixində bir oyunda 3 qol vuran 108-ci futbolçu olub. O, iki dəfə penaltidən fərqlənib və Premyer Liqada ümumi 10 penalti zərbəsindən doqquzunda dəqiq olub.
129-cu oyununu keçirən Bayramovun ikinci qolu çempionatda 20-ci, ümumi isə 21-ci qolu kimi qeydə alınıb. O, het-trik etdiyi topu futbolçuların imzası ilə xatirə olaraq evinə aparıb. Futbolçu görüşdən sonra verdiyi açıqlamada sevincli olduğunu, bu anı karyerasının unudulmaz hadisəsi kimi dəyərləndirdiyini bildirib.
Qeyd edək ki, “Qarabağ” həmin oyunda rəqibini 5:0 hesabı ilə məğlub edib. Toral Bayramov “Xəzər-Lənkəran” futbol məktəbinin yetirməsidir və bu uğuru həm klub, həm də doğma bölgəsinin azarkeşləri tərəfindən alqışlarla qarşılanıb.
