Neftçalalı kikboksçu Azərbaycan çempionatında qızıl medal qazanaraq çempion adına layiq görülüb.
Cenublu.az xəbər verir ki, Gəncə Olimpiya İdman Kompleksində Azərbaycan Respublikasının Gənclər və İdman Nazirliyi ilə Azərbaycan Kikboksinq Federasiyasının birgə təşkilatçılığı ilə kikboksinq üzrə Azərbaycan birinciliyi keçirilib.
Yarışda məşqçi-müəllim Sadiq Məhərrəmovun yetirməsi Tuncay İsmayılov gənclər arasında 75 kiloqram çəki dərəcəsində uğurla çıxış edərək bütün rəqiblərini geridə qoyub və fəxri kürsünün ən yüksək pilləsinə yüksəlib.
Qeyd edək ki, Tuncay İsmayılov Neftçala rayonunun Şorkənd kəndinin yetirməsidir.
