Lənkəran Dövlət Universiteti Alimlər Evində görüləcək işlər üçün layihə-smeta sənədlərinin hazırlanmasına 49 min manatdan çox vəsait ayrılacaq.
Universitet bu məqsədlə açıq tender elan edib. Satınalmanın ehtimal olunan dəyəri 49 min 88 manatdır.
Layihə çərçivəsində Alimlər Evinin tikintisi və ya yenidən qurulması üçün ərazidə ilkin ölçmə işlərinin aparılması, torpağın geoloji vəziyyətinin öyrənilməsi və tikinti layihəsinin hazırlanması nəzərdə tutulur.
Bundan əlavə, binanın memarlıq görünüşü, daxili planlaşdırılması, tikinti işlərinin təşkili, elektrik, istilik, havalandırma, su və kanalizasiya sistemləri, rabitə şəbəkəsi və yanğın siqnalizasiyası ilə bağlı layihələr hazırlanacaq. Tikinti üçün tələb olunan xərcləri əks etdirən smeta sənədlərinin tərtibi də nəzərdə tutulur.
Qeyd edək ki, Lənkəran Dövlət Universitetinin rektoru professor Natiq İbrahimovdur.
Mənbə: 32gun.аz
