Lənkəran təbiəti və tarixi ilə yanaşı, yetişdirdiyi istedadlı şəxsiyyətlərlə də tanınır.
Gəlin, Lənkəranla bağlı məşhur simalardan bəzilərini xatırlayaq.
1. Gülağa Məmmədov
Azərbaycan SSR Xalq artisti Gülağa Məmmədov 1925-ci il iyunun 28-də Lənkəran şəhərinin Kiçik Bazar məhəlləsində anadan olub. Görkəmli müğənninin adını yaşatmaq məqsədilə Bakı və Lənkəran şəhərlərində küçələrdən birinə onun adı verilib.
2. Yalçın Rzazadə
Azərbaycanın Xalq artisti Yalçın Rzazadə 1946-cı il dekabrın 31-də Lənkəran rayonunun Boladı kəndində dünyaya gəlib. Tanınmış müğənni ömrünün sonunadək Azərbaycan Dövlət Mədəniyyət və İncəsənət Universitetində dərs deyib.
3. İlhamə Qasımova
Müğənni İlhamə Qasımova 1976-cı il mayın 24-də Lənkəran rayonunun Bala Şürük kəndində anadan olub. O, ifaları ilə Azərbaycan musiqi səhnəsində tanınıb.
4. Elnarə Xəlilova
Tanınmış müğənni Elnarə Xəlilova 1980-ci il oktyabrın 1-də Bakıda anadan olub və əslən Lənkərandandır. Sənətçi musiqi fəaliyyəti ilə yanaşı, televiziya layihələrində iştirakı ilə də tanınır.
5. Müşfiq Şahverdiyev
Aktyor və yumoristik obrazları ilə tanınan Müşfiq Şahverdiyev 1983-cü ildə Lənkəranda anadan olub. O, müxtəlif kino və televiziya layihələrindəki çıxışları ilə tamaşaçıların rəğbətini qazanıb.
6. Cavad Rəcəbov
Müğənni Cavad Rəcəbov 1954-cü il dekabrın 20-də Lənkəran rayonunun Sütəmurdov kəndində dünyaya gəlib. Sənət fəaliyyətinə nağara ifaçısı kimi başlayan Cavad Rəcəbov sonralar müğənni kimi tanınıb.
7. Nəsrin Cavadzadə
Türkiyədə fəaliyyət göstərən tanınmış aktrisa Nəsrin Cavadzadə əslən lənkəranlıdır və görkəmli alim Mirməmməd Cavadzadənin nəvəsidir. O, Türkiyənin kino və televiziya layihələrində yaratdığı obrazlarla tanınır.
Lənkəranın məşhur simalarının siyahısı bununla bitmir - bu diyarın müxtəlif sahələrdə uğur qazanan çoxsaylı tanınmış yetirmələri var. Bəs siz Lənkəranın daha hansı məşhur simalarını bu siyahıda görmək istərdiniz? Fikirlərinizi şərhlərdə yazın!
