Lənkəran çayının Dəhnə adlanan ərazisində, dəmir yolu körpüsünün altında məişət tullantıları ətrafa səpələnib.
Cenublu.az xəbər verir ki, çay sahilinə atılan zibillər ərazidə antisanitar vəziyyət yaradaraq ətraf mühit üçün təhlükə yaradır.
Ən böyük narahatlıq isə qış aylarında çayda suyun səviyyəsinin artması ilə bağlıdır. Tullantıların suya qarışaraq Xəzər dənizinə axıdılması ehtimalı mövcuddur. Bu isə çirklənmənin daha geniş əraziyə yayılmasına səbəb ola bilər.
Vətəndaşlar ərazinin təmizlənməsini, tullantıların çaya düşməsinin qarşısının alınmasını və ətrafı zibilləyən şəxslərlə bağlı tədbir görülməsini vacib hesab edirlər.
