“Qarabağ”ın futbolçusu, əslən Lənkərandan olan Nəriman Axundzadənin qışda klubu tərk edəcəyi iddia olunub.
İdman.Biz xəbər verir ki, sosial şəbəkələrdə yayılan məlumata görə, o, karyerasını Avropada davam etdirəcək. Oyunçunun bu barədə həm kluba, həm də baş məşqçiyə məlumat verdiyi qeyd olunur.
Məsələ ilə bağlı idman,biz Ağdam təmsilçisinə sorğu ünvanlayıb. Klubdan bildirilib ki, Nəriman Axundzadənin “Qarabağ”dan ayrılması ilə bağlı yayılan məlumatlar həqiqəti əks etdirmir:
“Futbolçunun gedişi barədə nə kluba, nə də baş məşqçiyə hər hansı rəsmi müraciət daxil olmayıb və hazırda onun transferi ilə bağlı konkret təklif mövcud deyil”.
