Sərbəst güləş növü və yunan-Roma güləşi üzrə zona birinciliyində Masallıdan olan güləşçi uğur qazanıb. Bu haqda məlumatı Cenublu.az bu gün, 12 fevral tarixində verir.
Sərbəst güləş üzrə yarışlarda Masallı Uşaq-Gənclər İdman-Şahmat Məktəbinin yetirməsi, güləşçi Əli Baloğlanov 44 kiloqram çəki dərəcəsində 2-ci yerə layiq görülüb. O, respublika birinciliyinin final mərhələsinə vəsiqə qazanıb.
Qeyd edək ki, gümüş medalçı Ə.Baloğlanov keçirdiyi beş görüşün dördünü qələbə ilə başa vurub.
Turnir Azərbaycan Güləş Federasiyasının, Gənclər və İdman Nazirliyinin təşkilatçılığı ilə Sabirabad rayonunda baş tutub.
