Masallıda gənc könüllülər arasında voleybol üzrə rayon turniri keçirilib. Bu haqda məlumatı Cenublu.az bu gün, 15 fevral tarixində verir.
Masallı Olimpiya Kompleksində keçirilən turnirdə gənclərdən ibarət 4 komanda iştirak edib. Turnirdə I yeri “Lider” komandası, II yeri “Qarabağ” komandası, III yeri isə “Gənclər” komandası tutub.
Qalib komandalara Lənkəran-Astara Regional Gənclər və İdman İdarəsinin kubok və diplomları təqdim olunub.
Qeyd edək ki, turnir Lənkəran-Astara Regional Gənclər və İdman İdarəsinin təşkilatçılığı ilə baş tutub.
