Bakı şəhərində keçirilən Azərbaycan çempionatı Lənkəran idmançıları üçün uğurla yadda qalıb.
Cenublu.az xəbər verir ki, 29-30 mart tarixlərində Bakı İdman Sarayında strongmen idman növü üzrə Azərbaycan Çempionatı baş tutub. Yarışda iştirak edən Lənkəran idmançıları yüksək nəticələr göstəriblər.
"Didlift" hərəkətində Ağarəsul Qafarlı 70 kq çəki dərəcəsində yeniyetmələr arasında bütün rəqiblərini geridə qoyaraq 1-ci yerə layiq görülüb.
Digər idmançımız Məhəmməd Əliyev isə 60 kq çəki dərəcəsində "Strit curl" hərəkətində yeniyetmələr arasında 2-ci yerə sahib olub.
İdmançıların bu uğurlarında onların məşqçisi Kamran Əliyevin xüsusi rolu olduğu qeyd olunur.
