Lənkəran rayonunun Nərimanabad qəsəbə sakini, Azərbaycan Kikboksinq Federasiyasının idmançısı, Wako Dünya çempionu, 13 yaşlı Nizami Elnur oğlu Əliyev Avropa çempionu olub. Bu haqda məlumatı Cenublu.az bu gün, 4 sentyabr tarixində verir.
Belə ki, Nizami Əliyev Türkiyənin İstanbul şəhərində keçirilən kikboksinqin Wako versiyası üzrə Avropa çempionatında 32 kq çəki dərəcəsində 1-ci rəqibinə (Papyan Serj) 3:0 qalib gələrək finala yüksəlib və finalda 32 kq çəki dərəcəsində rəqibinə (Mark Mikayelyan) 3:0 qalib gələrək Avropa çempionu olub.
Qeyd edək ki, ötən ilin oktyabr ayında Nizami Əliyev İtaliyada keçirilən Wako Dünya çempionatının final döyüşündə Kuveyt idmançısı Karam Mohammada qalib gələrək Dünya çempionu olmuşdu.
