Lənkəranda məktəblilərin idmana cəlb edilməsi məqsədilə ustad dərsləri təşkil olunub. Bu haqda məlumatı Cenublu.az bu gün, 17 may tarixində verir.
Görüşlər Lənkəran şəhər 1 nömrəli tam orta məktəb və Lənkəran rayon Gərmətük qəsəbə tam orta məktəbində baş tutub. Şagirdlərə Lənkəran UGİM boks və ağırlıqqaldırma idman növləri üzrə məşqçi-müəllimləri tərəfindən şagirdlərin idmana cəlb edilməsi, onlar arasında idmana marağın yüksəldilməsi, rayonda keçirilən idman yarışlarının sayının artırılması barədə məlumat verilib.
Daha sonra boks və ağırlıqqaldırma idman növləri üzrə master-klaslar keçirilib.
Yekunda şagirdləri maraqlandıran suallar cavablandırılıb.
Tədbir Lənkəran–Astara Regional Gənclər və İdman İdarəsi, Lənkəran–Astara Regional Təhsil İdarəsi tərəfindən təşkil edilib.
