Xəzərin Lənkəran sahilində Kyokuşin karate üzrə nümunəvi çıxışlar göstərilib. Cenublu.az Lənkəran-Astara Regional Gənclər və İdman İdarəsinə istinadən xəbər verir ki, tədbirdə 42 nəfər iştirak edib. Məqsəd əhali, xüsusən də uşaq, yeniyetmə və gənclər arasında Kyokuşin karate idman növünə marağın artırılması, asudə vaxtın səmərəli təşkili, zərərli vərdişlərdən uzaq olmaq və sağlam həyat tərzinin təbliğidir.
Qeyd edək ki, “İdman hamı üçün" layihəsi çərçivəsində baş tutan təlim Gənclər və İdman İdarəsi, "Lənkəran" İdman Klubunun birgə təşkilatçılığı ilə keçirilib.
