Lənkəran–Astara Regional Gənclər və İdman İdarəsi cari həftədə keçiriləcək tədbirlərin cədvəlini açıqlayıb. Bu haqda məlumatı Cenublu.az bu gün, 19 avqust tarixində verir.
Belə ki:
- 19-20 avqust saat 19:00-da Astara rayonunun Ümid İdman Kompleksində Azərbaycanın Milli Qəhrəmanı Yalçın Nəsirovun xatirəsinə həsr olunmuş minifutbol üzrə Astara rayon açıq turniri;
- 20 avqust saat 16:30-da Yardımlı rayonunu, Şah İsmayıl Xətai küçəsində Şəhid Şamil Mirzəyev adına Taekvondo idman zalının qarşısında "İdman hamı üçün" layihəsi çərçivəsində açıq havada taekvondo üzrə nümunəvi çıxışlar;
- 22-23 avqust saat 15:00-da Lerik rayonunun 2 nömrəli tam orta məktəbində Gənclər və İdman Nazirliyinin yaradılmasının 30 illiyinə həsr olunmuş gənclər arasında voleybol turniri;
- 23 avqust saat 10:00-da Cəlilabad rayonunun Heydər Əliyev seyrəngahında “İdman hamı üçün” layihəsi çərçivəsində boks üzrə master-klas;
- 23 avqust saat 10:00-da Lənkəran rayonunun Akademik Zərifə Əliyeva küçəsi 78/5-də Sağlam məhəllə idman zonasında “İdmana başla, çempion ol!” adı altında yeniyetmələrin idmana cəlb olunması üçün kütləvi açıq idman tədbiri;
- 23-24 avqust saat 11:00-da Masallı Olimpiya İdman Kompleksində Gənclər və İdman Nazirliyinin yaranmasının 30 illiyinə həsr olunmuş yeniyetmə, gənclər və böyüklər arasında üzgüçülük üzrə turnir.
