Bakı şəhərində yerləşən “Şağan” Olimpiya İdman Kompleksində Savat idman növü üzrə keçirilən 5-ci ölkə birinciliyi və çempionatında astaralı idmançılar uğur qazanıblar.
Cenublu.az xəbər verir ki, yarışda “Astara Aslan” Döyüş İdman Klubunun idmançıları müxtəlif yaş qruplarında yüksək nəticələr göstəriblər.
Zeynalov Ümid15-17 yaş kateqoriyasında, 60 kq çəki dərəcəsində bütün rəqiblərini üstələyərək qızıl medal qazanıb. O, “Astara Aslan” klubunun yetirməsi olsa da, hazırda Bakı Döyüş İdman Klubunu təmsil edir.
Məmmədli Fatimə 15-17 yaş kateqoriyasında 48 kq çəki dərəcəsində çıxış edərək bürünc medal qazanıb.
Babayev Azad 15-17 yaş kateqoriyasında 56 kq çəki dərəcəsində mübarizə aparıb və o da bürünc medal əldə edib.
Əzizov Baloğlan 18+ yaş kateqoriyasında, 65 kq çəki dərəcəsində çıxış edərək bürünc medalla kifayətlənib.
İdmançıların uğurlarında onların məşqçisi - “Astara Aslan” İdman Klubunun məşqçisi Zamin Baxşiyevin böyük rolu var.
