Astaralı güləşçimiz Əli Rəhimzadə Rumıniyanın paytaxtı Buxarest şəhərində keçirilən güləş üzrə Avropa çempionatında 3-cü yeri qazanıb. Bu haqda məlumatı Cenublu.az bu gün, 19 fevral tarixində verir.
O, Fransa güləşçisi Xamzat Arsamerzoyevə 4:0 hesabı ilə qalib gələrək Avropa çempionatında bürünc medal qazanıb.
Qeyd edək ki, Əli Rəhimzadə 23 noyabr 1997-ci ildə Astaranın Maşxan kəndində anadan olub. O, güləş üzrə Avropa çempionatının ikiqat bürünc mükafatçısı, U-23 dünya çempionatının ikincisi, böyüklər arasında 3 qat Avropa 3-cüsü, hərbçilərin 36-cı dünya çempionatının çempionu olub.
2017-ci ildə Sombatxey şəhərində (Macarıstan) U-23 Avropa Çempionatının bürünc, sonra isə Dortmund şəhərində (Almaniya) gənclər arasında Dünya Çempionatının qızıl medallarına sahib olan Əli Rəhimzadə Finlandiyada gənclər arasında Dünya Çempionatını 10-cu, Polşada U-23 Dünya Çempionatını isə 12-ci pillədə başa vurub.
