Astarada məktəblilər arasında voleybol üzrə rayon turniri təşkil olunub. Bu haqda məlumatı Cenublu.az bu gün, 15 fevral tarixində verir.
Xocalı faciəsinin 32-ci ildönümünə həsr olunmuş yarış Ziya Bünyadov adına 2 saylı tam orta məktəbdə keçirilib. Turnirdə hər komandanın tərkibi 6 nəfər olmaqla 6 komanda iştirak edib.
Belə ki, I yerə Nail Həsənov adına Kijəbə qəsəbə tam orta məktəb, II yerə Aqşin Hüseynov adına Suparibağ kənd tam orta məktəb, III yerə isə Mirzə Ələkbər Sabir adına 1 saylı tam orta məktəb komandaları layiq görülüb.
Qalib komandaya kubok, fəxri yerləri qazanan komandaların üzvlərinə isə diplom və medallar təqdim edilib.
Turnir Lənkəran-Astara Regional Gənclər və İdman İdarəsi tərəfindən təşkil olunub.
