Astarada Azərbaycanın Milli Qəhrəmanı Yalçın Nəsirovun xatirəsinə həsr olunmuş mini futbol turniri keçirilib.
10 avqust tarixdən start götürən turnirdə 4 qrup üzrə 16 komanda, ümumilikdə 192 idmançı iştirak edib. Turnirin A qrupundan “Mamusta-2” (Lənkəran) komandası I yeri, “Hirkan” (Lənkəran) komandası II yeri, B qrupundan ”Rüdəkənar” (Astara) komandası I yeri, ”Gənclər” (Astara) komandası II yeri, C qrupundan “Mamusta-1” (Lənkəran) komandası I yeri, “Kənarmeşə” (Lənkəran) komandası II yeri, D qrupundan “Ojakəran” (Astara) komandası I yeri, “Tüləgüvan” (Astara) komandası II yeri tutaraq, ¼ final mərhələsinə yüksəliblər. ¼ final, yarımfinal və final oyunlarından sonra yekun nəticəyə əsasən I yerə “Rüdəkənar” (Astara), II yerə ”Mamusta-2” (Lənkəran), III yerə isə ”Mamusta-1” (Lənkəran) komandası layiq görülüb.
Turnirin axırıncı gününün nəticələri: Final oyunu “Rüdəkənar”(Astara)-“Mamusta-2” (Lənkaran)- (4-3) - (əsas vaxt 1-1, penalti seriyası 3-2), III yer uğrunda oyun “Mamusta-1” (Lənkaran) -“Tüləküvan” (Astara)-(2-1).
Yarışın açılış və mükafatlandırma mərasimlərində Milli Qəhrəmanı Yalçın Nəsirovun qardaşları Afərin Nəsirov və Möhsün Nəsirov, Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun əməkdaşları, Astara RİH-nin şöbə müdiri Turan Həsənzadə, "Ümid" İdman Kompleksinin direktoru Ümidvar Məmmədov iştirak ediblər.
I, II, III yerləri tutan komandalar və komanda üzvləri Lənkəran-Astara Regional Gənclər və İdman İdarəsinin kubok, medal və diplomları ilə, eləcə də təşkilati işlərdə fərqlənən 5 nəfər diplomları ilə və “Ən yaxşı hücumçu”, “Ən yaxşı qapıçı” “Ümid” İdman Kompleksinin hədiyyələri ilə təltif olunub.
Qeyd edək ki, turnir “Ümid” İdman Kompleksində Lənkəran-Astara Regional Gənclər və İdman İdarəsinin təşkilatçılığı ilə baş tutub.
