Astara Olimpiya İdman Kompleksində "İdman hamı üçün" layihəsi çərçivəsində “Futbol hamı üçün” ustad dərsi və nümunəvi çıxışlar keçirilib. Bu haqda məlumatı Cenublu.az bu gün, 22 iyun tarixində verir.
Ustad dərsləri Astara UGİŞM-in futbol üzrə məşqçiləri Etibar Axundov və Qəhrəman Mirzəyevin rəhbərliyi ilə keçirilib.
24 nəfər yeniyetmə futbolçunun iştirak etdiyi tədbirin yekununda Lənkəran–Astara region Spartakiadasında futbol üzrə I yeri tutmuş Astara UGİŞM-in komandası ilə görüş keçirilib və komanda təbrik olunub.
Qeyd edək ki, tədbir Lənkəran–Astara Regional Gənclər və İdman İdarəsinin təşkilatçılığı ilə futbol idman növünün təbliği, sağlam həyat tərzinə çağırış, asudə vaxtın səmərəli təşkili məqsədilə baş tutub.
