Astara Gənclər Evinin həyətyanı ərazisində Beynəlxalq Olimpiya Günü münasibətilə idman tədbiri keçirilib. Bu haqda məlumatı Cenublu.az bu gün, 24 iyun tarixində verir.
Tədbirdə Astara Olimpiya İdman Kompleksinin idmançıları, müəllimləri, Astara Gənclər Evinin əməkdaşları və könüllüləri, Astara rayonu üzrə gənclər və idman sektorunun əməkdaşları iştirak ediblər.
İdman tədbirində sərbəst güləş, boks, stolüstü tennis, şahmat idman növləri üzrə yeniyetmə və gənclərin idman etüdləri və nümunəvi çıxışları nümayiş olunub.
Tədbirin keçirilməsində məqsəd Beynəlxalq Olimpiya Gününün qeyd edilməsi, sağlam həyat tərzinin təbliği, yeniyetmə və gənclərin asudə vaxtının səmərəli təşkilidir.
Qeyd edək ki, tədbir Lənkəran–Astara Regional Gənclər və İdman İdarəsinin təşkilatçılığı ilə baş tutub.
