Həvəskarlar liqasında çıxış edən Masallı təmsilçisi turnirin qalibi olub. Bu haqda bu gün, 11 iyul tarixində Cenublu.az xəbər verir.
Cənub futbolunu ölkə miqyasında layiqincə təmsil edən “Ərkivan” FK qızıl medala layiq görülüb. Komandamız turnirin final oyununda “Mübariz” FK-nı məğlub edib. “Dalğa Arena”da baş tutan oyunda əsas vaxt 1:1 hesabı ilə bitib. Uzatma vaxtda “Ərkivan” FK iki qol vuraraq 1:3 hesablı qələbə qazanıb.
Turnirdə komandamız yalnız çempionluğu ilə yadda qalmayıb. Təmsilçimizin futbolçusu Əflatun Məmmədov çempionatın bombardiri olub (20 qol).
Qeyd edək ki, “Ərkivan” FK, final matçı daxil olmaqla, turnirdə bir oyun belə uduzmayıb.
Son 1 ildə cənub təmsilçiləri keçirilən peşəkar və həvəskar liqalarda 2 dəfə final oynayıb. Daha öncə “Xan Lənkəran” PFK Region liqasında 2-ci yerə layiq görülüb.
Bunlar onu göstərir ki, cənub klubları sürətlə inkişaf edir və Azərbaycan futbolunda öz sözünü deməkdədir.
