Talış xanı Mir Mustafanın oğlu Mir Həsən xana məxsus imarət Masallı rayonunun Ərkivan qəsəbəsindəki Ərkivan qalasının içərisində yerləşib. İmarət 1747-1750-ci illərdə inşa edilib [1].
Mir Həsən xanın imarəti bir-birinin içində yerləşən üç qatdan ibarət divarlardan hörülmüşdür [1,4].
Tarixçi Səidəli Kazımbəyoğlu tərəfindən 1869-cu ildə yazılan “Cevahirname-Lənkəran” əsərində qeyd olunmuşdur ki, həmin imarət artıq bu əsər yazılana kimi dağılmışdır [1]. Bu günədək yalnız qalanın üç tərəfində xəndəklərin izləri və imarətin qalıqlarını görmək mümkündür [3].
Yazıçı Mirzə Əhməd Mirzə Xudaverdi oğlunun “Əxbarnamə” əsərində Mir Həsən xanın Ərkivan mahalında digər imarətlərinin də olduğu haqda məlumat verilib [2].
Ədəbiyyat:
