Masallıda “İdman hamı üçün” layihəsi çərçivəsində kütləvi idman tədbiri keçirilib.
Cenublu.az xəbər verir ki, noyabrın 16-da Lənkəran-Astara Regional Gənclər və İdman İdarəsinin təşkilatçılığı ilə “İdman hamı üçün” layihəsi çərçivəsində kütləvi idman tədbiri keçirilib.
Masallı şəhər Nizami Gəncəvi adına xatirə parkında təşkil edilən kütləvi idman tədbirində cüdo, boks, taekvondo, güləş və futbol idman növləri üzrə nümunəvi çıxışlar göstərilib.
Çıxışlar Lənkəran-Astara Regional Gənclər və İdman İdarəsinin nəzdində fəaliyyət göstərən Masallı Uşaq-Gənclər İdman Məktəbinin peşəkar müəllimlərinin rəhbərliyi altında keçirilib.
Rayonda idmanın kütləvililiyinin təmin edilməsi, sağlam həyat tərzinin təbliği və idmana marağın artırılması məqsədi ilə keçirilən tədbir şəhər sakinlərinin böyük marağına səbəb olub.
Tədbirdə 81 nəfər idmançı və 100 nəfər şəhər sakini iştirak edib.
