Lənkəranda 5 mart - Bədən Tərbiyəsi və İdman Günü münasibətilə “İdman həftəsi” çərçivəsində idman tədbirlərinə start verilib. Bu haqda məlumatı Cenublu.az bu gün, 28 fevral tarixində Lənkəran şəhər Gənclər və İdman İdarəsinə istinadən verir.
Belə ki, Hirkan və Balıqçılar qəsəbə tam orta məktəblərində, Ürgə, Zövlə və Tuado kənd tam orta məktəblərində şagirdlərin iştirakı ilə gimnastika və atletika idman növləri üzrə tədbirlər keçirilmişdir.
Kütləvi idman tədbirlərinin keçirilməsində məqsəd 5 mart - Bədən Tərbiyəsi və İdman Gününü qeyd etmək, yeniyetmə və gənclər arasında idmana maraq oyatmaq, onların fiziki aktivliyini artırmaq və sağlam həyat tərzini təbliğ etməkdir.
Keçirilən idman tədbirlərində ümumilikdə 500-dən çox məktəbli iştirak edib.
