Cenublu.az sizə Lənkəran Tarix-Diyarşünaslıq Muzeyinin ən maraqlı eksponatları haqqında məlumatı təqdim edir:
- Tuğra xanımın cehiz güzgüləri. Talış xanları nəslindən olan Mir Əhməd xanın həyat yoldaşı Tuğra xanım bu evə köçərkən cehiz olaraq, özü ilə İtaliyanın Venesiya şəhərindən gətirilmiş, arxası gümüşdən olan 6 daş güzgünü burada yerləşdirmişdir. Lakin 1916-cı ildə Mir Əhməd xanın ölümündən sonra sarayın içərisindəki əşyaların bir çoxu oğurlanmışdır. Sovet dövründə evdə qalan güzgülər idarələrə paylanılmışdır. 1991-ci ildə evin özündə cəmi 1 güzgü qalmışdı. Həmin zaman güzgülərdən yalnız ikisi tapıldı və xan evinə təhvil verildi. Hazırda muzeydə 1 güzgü birinci mərtəbədə, digər iki güzgü isə ikinci mərtəbədədir.
- Behcət məktəbinin lövhəsi. Etnoqraf Teymur bəy Bayraməlibəyovun təşəbbüsü ilə yaradılan Behcət məktəbinin daş lövhəsinin üzərində məktəbin adı həkk olunub. Həmin daş lövhənin üzərində, həmçinin əlində qılınc olan şir və günəş əks olunub.
- Xan evinin ilk açarları. Mir Əhməd xanın evi 1913-cü ildə inşa edildiyindən həmin açarlar bu ilə aid edilir.
