Lerik rayonunda doğulan Mahmud Eyvazov Azərbaycanın ən uzunömürlü insanlarından biridir.
Mahmud Eyvazov 1808-ci ildə fevralın 7-si Lerik rayonunun Pirəsora kəndində anadan olub. 1956-cı ildə ona SSRİ poçt markası həsr olunub. Həmin il isə Mahmud babanın qızının 120 yaşı tamam olub.
Təqdim edilən görüntülər 1959-cu ildə Lerikin sözügedən kəndində, çobanların olduğu ərazidə çəkilib. Videoda M.Eyvazov və başqa bir nəfər atlarını kameraya tərəf sürürlər. Oradakı çoban hər iki şəxsi dayandıraraq, onlarla söhbət edir. Və birlikdə həmin ərazini gəzirlər.
Görüntülərdə Pirəsora kəndinin ümumi görüntüsü, Mahmudun evinin həyəti və nəvələri ilə münasibəti əks olunub.
Mahmud Eyvazov 1960-cı il 3 dekabrda 152 yaşında Pirəsora kəndində vəfat edib.
Qeyd edək ki, Lerik rayonunda məşhur Uzunömürlülər Muzeyi yerləşir. Burada Mahmud Eyvazovun fotoşəkilləri, həmçinin onun şəxsi əşyaları və sənədləri nümayiş olunur.
