Laqqutu, əsasən, Azərbaycanın Cənub bölgəsində (Astara, Masallı, Lənkəran, Cəlilabad) istifadə edilən çalğı alətidir.
Laqqutu nağara, qoşa nağara, qaval və başqa zərb alətləri ilə birlikdə ansambl və orkestrlərin tərkibində istifadə olunur. Çalğı aləti müxtəlif ölçülü iki dördbucaq ağac qutudan ibarətdir. Musiqi aləti qoz, ərik, tut, fıstıq ağaclarından istifadə edilərək hazırlanır. Həmin ağacların içəri hissəsi xüsusi ölçüdə oyulur. Oyuğun üst hissəsi alt hissəsinə nisbətən nazik yonulduğundan, ifa zamanı alətdən xüsusi səs gəlir [1].
Ehtimal edilir ki, bu alətin adı türk dillərində olan “lax” və ya “lığ” (boş) və qutu sözlərinin birləşməsindən yaranıb. Digər versiyaya görə, laqqutunun adı onun çıxardığı səs tembri ilə bağlıdır.
Bu musiqi alətinin digər növləri bir çox ölkələrdə geniş yayılıb [2].
Ədəbiyyat:
