Cəlilabad rayonunun Muğan kəndindən 500 m cənubda, Göytəpə-Cəlilabad yolunun sol tərəfində qədim yaşayış məntəqəsi aşkar edilib. Bu haqda məlumatı Cenublu.az bu gün, 12 avqust tarixində verir.
Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin cənub regional idarəsinin əməkdaşları əraziyə baxış keçiriblər. Əraziyə baxış zamanı müəyyən olunub ki, sahə çoxtəbəqəli yaşayış məskənidir. Qədim abidənin ən alt qatında Xalkolit, Tunc, üst təbəqədə isə Son orta əsirlərin maddi mədəniyyət nümunələrinə rast gəlinir. Abidə 1 ha ərazini əhatə edir.
Hazırda şərti adı “Küllütəpə” adlandırılan kurqanın abidə kimi dövlət qeydiyyatına alınması üçün müvafiq tədbirlərə start verilib.
Tədbirlər Cəlilabad RİH ilə birlikdə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti və Milli Elimlər Akademiyasının Arxeologiya və Antropologiya İnstitutu tərəfindən həyata keçirilir.
