Bu gün, 10 mart tarixində Azərbaycanda Milli Teatr günü qeyd olunur.
Azərbaycan Milli Teatrının əsası 10 mart 1873-cü ildə Bakı Realnı məktəbinin teatr həvəskarları truppası tərəfindən M. F. Axundzadənin "Sərgüzəşti-vəziri-xani Lənkəran" komediyasının tamaşaya qoyulması ilə başlayıb.
“Sərgüzəşti-vəziri-xani Lənkəran” və ya “Lənkəran xanının vəzirinin sərgüzəştləri” hekayəsinin sujeti 1800-1801-ci illərə təsadüf edir. Hekayədə Talış xanlığının vəziri Mirzə Həbib müstəbid kimi göstərilir, ancaq o, xanın qabağında qul kimi alçalır. Həmdə o, öz arvadları tərəfindən yalana və həqarətlərə məruz qalır. Komediyada saray və ailə intriqaları fonunda vəzirin baldızı Nisə xanım və xanın qardaşı oğlu Teymur ağanın arasında fədakar məhəbbət göstərilib.
