1994-cü ilin sentyabr ayında yazıçı Zahir Əmənovun təşəbbüsü və Ərkivan qəsəbəsinin sakini Sücəddin Novruzovun köməkliyi ilə “Ərkivan” qəzetinin ilk sayı buraxılıb. “Ərkivan” qəzeti Azərbaycanda nəşr olunan ilk kənd qəzeti hesab edilir.
Bu qəzet “Masallı xəbərləri” qəzetinin əlavəsi kimi çap olunurdu. “Ərkivan” qəzetində Ərkivan yaşayış məntəqəsinin tarixi və mədəniyyəti haqqında geniş məlumat verilib. “Ərkivan” qəzeti 12 səhifədən ibarət olub və onun yalnız 2 sayı nəşr edilib.
“Ərkivan” qəzeti ilə yanaşı, 1995-ci ildə Ərkivanda Sücəddin Novruzovun köməkliyi ilə “Alo, Ərkivan” adlı məlumat kitabçası da buraxılıb.
