Nüsrət Hacırza oğlu Rzayev 25 mart 1899-cu ildə anadan olub [1,2]. O, Mirsadıq bəy Talışxanovun oğlu Mirbəhmən bəyin qız nəvəsi Sürayyə xanımın həyat yoldaşı olub [3].
O, 23 avqust 1913-cü ildən 18 may 1919-cu ilədək Lənkəran kişi gimnaziyasında təhsil alıb [1,2].
1918-1920-ci illərdə fəaliyyət göstərmiş Azərbaycan Xalq Cümhuriyyəti 100 azərbaycanlı gənci xarici ölkələrə oxumağa göndərir [2]. Nüsrət Rzayev 21 avqust 1919-cu ildə Bakı şəhərində maarif nazirinə yazdığı ərizədə Türkiyədə (İstanbulda tibb fakültəsində) təhsil almaq istədiyini bildirərək, onu AXC hökumətinin xaricə göndərdiyi tələbələr sırasına salmağı xahiş edib. Daha sonra əlavə edib ki, Lənkəran şəhərində baş verən sürəkli hadisələr nəticəsində bir neçə dəfə axtarışlara məruz qalıb və nəticədə maddi imkandan məhrum olub, buna görə də o, xahişinin rədd edilməməsini diləyib. Rzayev nazirə yazdığı 8 noyabr 1919-cu il tarixli ərizəsində isə Almaniyanın Berlin şəhərinə göndərilməsini xahiş edib [1].
Xaricə gedən tələbələrdən ibarət 100 nəfərlik siyahının 36-cı şəxsi Nüsrətulla Rzayev idi [2]. 14 yanvar 1920-cil ildə Rzayev AXC hökumətinin göstərdiyi yerdə 4 il işləyəcəyi haqqında və oxuyacağı dövlətin ərazisində heç bir siyasi və partiya işinə qoşulmayacağı haqqında dilindən iltizam vərəqi verib. Rzayev Almaniyaya oxumağa göndərilib və Berlində tibb ixtisası üzrə təhsil alıb [1].
“Pernitsioz anemiyadakı leykosit qan ləkələri” mövzusunda namizədlik dissertasiyasını müdafiə edib. Onun bu elmi işi 1930-cu ildə Berlində Fridrix Vilhelm adına Bonn Universitetində çap olunub.
Rzayev 1932-ci ildə ali təhsilini bitirdikdən sonra Lənkərana qayıdıb və burada rayon mərkəzi xəstəxanasında həkim işləyib. O, xəstəxanada yoluxucu xəstəliklər şöbəsini təşkil edib. 1936-1937-ci illərdə Lənkəran tibb məktəbinin tədris işləri üzrə ilk direktor müavini olub.
Nüsrət Rzayev 1938-ci ildə dünyasını dəyişib [2].
Ədəbiyyat:
