Masallı şəhərində iş axtaran vətəndaşlar üçün əmək yarmarkası təşkil olunacaq.
Cenublu.az xəbər verir ki, Lənkəran-Astara Regional Məşğulluq filialının təşkilatçılığı ilə keçiriləcək yarmarkada müxtəlif vakansiyalar təqdim ediləcək.
Tədbir 28 aprel 2026-cı il tarixində saat 10:00-da Masallı şəhəri, M.Talışxanov küçəsində yerləşən "Karal Hotel"də baş tutacaq.
Yarmarkada iştirak etmək istəyən namizədlərin şəxsiyyət vəsiqələrini təqdim etmələri mütləqdir. Həmçinin CV ilə gəlmələri arzuolunandır.
