Astara rayon Heydər Əliyev Mərkəzində “Bərabərlik üçün gənclərlə birlikdə” layihəsində iştirak üçün qeydiyyat başlayıb. Bu haqda məlumatı Cenublu.az bu gün, 27 fevral tarixində verir.
Layihə çərçivəsində gənclər üçün gender bərabərliyinin təmin edilməsi, sosial həyatda qadınların aktivliyinin artırılması, zorakılıq və ayrı-seçkiliklə mübarizə üsulları, gender stereotipləri kimi mövzularda təlimlər, oyunlar, qrup işləri, enercayzerlər və digər praktiki sessiyalar təşkil olunacaq.
Layihə 15-25 yaş arası gənclər üçün 4-5 mart 2023-cü il tarixlərində keçiriləcək.
Qeydiyyat üçün son tarix: 3 mart 2023-cü il, saat 15:00. Qeydiyyat üçün link: https://forms.gle/C7wWqjgDzPGKg9xJA
Qeyd edək ki, layihə “Yeni Yol” Gənclərin Maarifləndirilməsi İctimai Birliyi və Gənclərin İnkişaf və Karyera Mərkəzinin əməkdaşlığı ilə baş tutacaq.
