Salyanda yanan avtomobili söndürən Fövqəladə Hallar Nazirliyinin (FHN) əməkdaşlarını avtomobil vurub, nəticədə biri ölüb.
Apа.аz xəbər virir ki, hadisə səhər saatlarında Ələt–Astara avtomobil yolunun Salyan rayonunun Kürsəngi kəndindən keçən hissəsində baş verib. "Mercedes" markalı yük avtomobilində baş vermiş yanğını söndürən FHN-in Dövlət Yanğından Mühafizə Xidmətinin Salyan Yanğından Mühafizə Hissəsinin əməkdaşlarını hərəkətdə olan avtomobil vurub.
Nəticədə 42 yaşlı, Neftçala rayonunun Şorkənd kənd sakini Hakim Piriyev hadisə yerində həyatını itirib. Digər əməkdaş isə xəsarət alaraq xəstəxanaya yerləşdirilib.
Faktla bağlı araşdırma aparılır.
