Lənkəran şəhərində bir neçə əsas küçə və yolda küçə işıqlandırması ilə bağlı problem yaşanır.
Cenublu.az xəbər verir ki, Şəhidlər Xiyabanı küçəsindən Ləvəngi dairəsinə gedən magistral yolda işıq dirəkləri olsa da, onların heç birində işıqların yanmadığı bildirilir. Bu isə xüsusilə gecə saatlarında yolda hərəkət edən sürücülər üçün narahatlıq yaradır.
Eyni vəziyyət Şıxəli Qurbanov küçəsi ilə Mehdi Hüseynzadə küçəsinin birləşdiyi yolda da müşahidə olunur. Burada da işıq dirəkləri quraşdırılıb, lakin işıqlar fəaliyyət göstərmir.
Sakinlər aidiyyəti qurumlardan problemin araşdırılmasını və küçə işıqlandırmasının bərpa olunmasını xahiş edirlər.
