“Zirvə Astara” BK-nın Azərbaycan Kubokunda hansı qrupa düşdüyü bəlli olub. Bu haqda bu gün, 21 fevral tarixində Cenublu.az Report.az-a istinadən xəbər verir.
Basketbol üzrə Azərbaycan Kubokunda qrupların tərkibi müəyyənləşib. Püşkatma mərasimi qurumun inzibati binasında baş tutub. 21-26 mart tarixləri aralığında “Sərhədçi” İdman Mərkəzində keçiriləcək Azərbaycan Kubokunda 8 komanda A və B qruplarında mübarizə aparacaq.
A qrupunda “Sabah”, “AAAF Xırdalan”, “Sərhədçi”, “Gəncə”, B qrupunda isə NTD, “Zirvə Astara”, “Neftçi” və “Olimpik Şəki” qüvvələrini sınayacaq.
Qeyd edək ki, basketbol üzrə Azərbaycan Kubokunun reqlamentinə əsasən, oyun zamanı meydançada mütləq şəkildə 3 yerli basketbolçu olmalıdır.
