Ali məktəbə qəbul imtahında yüksək bal toplayan gənc qız öz bölgəsində oxuyacaq.
Cənublu.az Bakupost-a istinadən xəbər verir ki, Mədinə Nəsirli 655 balla Azərbaycan Dövlət Pedaqoji Universitetinin (ADPU) Cəlilabad filialında Azərbaycan dili və ədəbiyyatı ixtisası üzrə təhsil alacaq.
Mədinə AzEdu.az-a verdiyi müsahibədə bildirib ki, orta təhsilini Cəlilabad rayon 3 nömrəli tam orta məktəbdə alıb və qəbul imtahanından ümumi 655,8 balla yüksək nəticə göstərib. Cəlilabadda yaşadığı üçün, həmin bölgədə təhsil almağın daha sərfəli olduğunu düşünür.
