Qızılağac Milli Parkı park kimi fəaliyyətə başlayandan sonra buradakı vəziyyət xeyli yaxşılaşıb. Bu haqda məlumatı Cenublu.az bu gün, 18 oktyabr tarixində Report-a istinadən verir.
Bu sözləri Dövlət Ekoloji Təhlükəsizlik Xidmətinin rəisi Hikmət Əlizadə deyib. Onun sözlərinə görə, bura son 5 ildir ki, milli park kimi, bundan əvvəl isə qoruq və yasaqlıq kimi fəaliyyət göstərib:
“Parkda xarici ovçuların olması faktı, demək olar ki, aşkarlanmayıb. Çünki burada onlar üçün maraqlı olan quşlar, ov heyvanları yoxdur. Amma qanunsuz ov, ümumiyyətlə, mövcud olan faktdır. Ən sivil ölkələrdə belə bu hal yaşanır, yaşanıb və yəqin ki, yaşanacaq. Bununla müvafiq orqanlar, o cümlədən Ekologiya və Təbii Sərvətlər Nazirliyi, Daxili İşlər Nazirliyi məşğul olur”.
Qeyd edək ki, son illər qlobal istiləşmə səbəbindən ölkəmizə gələn köçəri quşların sayında dəfələrlə azalma var. Bu tendensiya bütün dünyada müşahidə olunur.
