Bu gün Vətən uğrunda canından keçən şəhidimiz - Aslan İsmayılovun doğum günüdür.
Aslan Əvəz oğlu İsmayılov 1993-cü il iyunun 1-də Salyan rayonunun Sarvan kəndində anadan olub.
Azərbaycan Ordusunun baş leytenantı olan Aslan Vətən müharibəsi zamanı Cəbrayıl, Füzuli, Hadrut və Murovdağ istiqamətində gedən döyüşlərdə savaşıb. O, 2020-ci il oktyabrın 9-da Füzuli döyüşləri zamanı şəhid olub. Salyan rayonunda dəfn olunub.
O, "Füzulinin azad olunmasına görə", "Xocavəndin azad olunmasına görə", "Kəlbəcərin azad olunmasına görə", "Cəbrayılın azad olunmasına görə", "Vətən uğrunda", "İgidliyə görə" medalları və 3-cü dərəcəli " Rəşadət ordeni" ilə təltif edilib.
