Masallıda gənclərin erkən nikah mövzusu haqda məlumatlandırılması üçün tədbir təşkil olunub. Bu haqda bu gün, 24 fevral tarixində Cenublu.az Masallı RİH-yə istinadən xəbər verir.
Təzə Alvadı kənd 2 saylı tam orta məktəbində məktəbin 9-11-ci sinif şagirdlərinin iştirakı ilə yetkinlik yaşına çatmayanlar tərəfinfən törədilən cinayətlərin, həmçinin yetkinlik yaşına çatmayanların təzyiqlərə, məişət zorakılığına məruz qalma, cinsi və əmək istismarına təhrik etmə, erkən nikaha cəlb olunma hallarının, yetkinlik yaşına çatmayanlar və gənclər arasında narkomanlığın qarşısının alınması məqsədilə tədbir keçirilib.
Tədbirdə Masallı RPŞ-nin YYÇPTİQ-nin baş inspektoru, polis kapitanı Samid Əliyev, Gənclər və İdman İdarəsinin baş məsləhətçisi Oktay Ibrahimli, məktəbin şagird, valideyn və müəllim kollektivi iştirak ediblər.
